स्पेनिस सुपर कपको सेमिफाइनलमा एट्लेटिको मड्रिडसँगको हारपछि बार्सिलोनाका प्रशिक्षक एर्नेस्टो भाल्भर्डेविरुद्ध सम्पूर्ण नतिजाको आरोप लागिरहेको छ । तर बार्सिलोनाका फरवार्ड लुइस स्वारेजले भने हारको कारण एर्नेस्टो भाल्भर्डे नभएको बताएका छन् ।
बिहीबार भएको खेलमा बार्सिलोना एट्लेटिकोसँग तीन–दुई गाेलअन्तरले पराजित भएको थियो । समग्रमा बार्सिलोनाले पाँच गोल गरेको थियो तर तीन गोल भने भीएआरको कारणले मान्य भएन । खेलपछि स्वारेजले आफूहरुले धेरै कुराहरु सुधार्नु पर्ने बताएका छन् ।
‘नतिजाको सम्पूर्ण दोष भाल्भर्डेलाई दिन मिल्दैन, यो नतिजा हाम्रै कारण प्राप्त भएको हो’, ‘हामीले उत्कृष्ट प्रदर्शन गरेका थियाैँ तर अन्तिमममा सम्हालिन नसक्दा नतिजा हाम्रो हातबाट गुम्यो’ स्वारेजले थपे ।
बार्सिलोनाका लागि मेस्सीको दुई गोल तथा पिकेको एक गाेल भीएआरको कारण मान्य भएन । यसबारे बोल्दै स्वारेजले आफू अहिले पनि भीएआरबारे सोचिरहेको बताए ।