अगाडी पछाडि सुरक्षाकर्मी र धेरै शुभचिन्तकहरुलाइ लगाएर हिड्न पर्ने तर पुल नभएपछि खोलामा हुलिएको दृष्य सामान्य मान्दै गरेको भएपनि यथार्थमा भने निकै दर्दनाक थियो । गण्डकी प्रदेशकी सामाजिक विकास मन्त्री नरदेवी पुन चढ्ने सवारी साधन म्याग्दी नदी तर्दै गरेको अवस्थाको तस्विरले सबैको ध्यान तान्नु स्वभाविकै हो ।
मंगला गाउँपालिका–५ अर्मनको सिर्कुम हुने कार्यक्तममा पुग्न गाउँपालिकाको केन्द्र बावियाँचौरबाट नदीमा बनाईएको अस्थाई सडकमा तिनचार जनाको सहयोगमा मन्त्री चढ्ने साधनलाई बारपार गराईएको थियो ।
म्याग्दी जिल्लाको प्रदेश ख बाट निर्वाचित सांसद पुन प्रदेशको मन्त्री छन् । उनले जित्नुको अर्थ, दुर्गम भेगका जनताहरुले भोग्दै आएको समस्या समाधान गर्नु हो । स्थानीय सरकारको बजेटले हिउदँमा मन्त्रीको सवारीसाधन अस्थाई सडक बनाएको छ । भने मन्त्रीको बजेटले बर्ख र हिउदँमा जनताले सहज र सुरक्षित रुपमा यातायातको साधन वारपार गर्ने पक्की पुलको पखाईमा अर्मनका जनता बसिरहेका छन् । मन्त्री पुनको मात्र होईन जिल्लाका जनप्रतिनिधि र सरोकारवालाहरुको ध्यान दिन आवश्यक छ ।
मन्त्रीको गाडी नदिमै हुलेर तार्दै गरेको त्यो अवस्थाले अहिले सम्मको बिकास र अब हुने विकासलाइ कसरी व्यवस्थापन गर्ला समयले बताउँदै जाने छ ।
तस्बीर धिरन खत्री म्याग्दी अनलाइन
