बागलुङ, ५ कार्तिक/बुर्तिबाङ क्याडमिन्टन क्लबको छैठौँ बर्षिकोत्सवको अवसरमा अयोजना गरिएको दोस्रो पश्चिमाञ्चल क्षेत्र स्तरिय ब्याडमिन्ट प्रतियोगिताको उपाधि बुटवलले जितेको छ । बागलुङको बुर्तिबाङ बजारमा भएको प्रतियोगितामा पुरुष युगल र एकाल दुवै तर्फको उपाधि बुटवल ब्याडमिन्टन क्लवले जितेको हो । युगलतर्फ बुटवलले फाईनलमा म्याग्दीको टिमलाई परिजित गरेको थियो । बुटवलका गणेश रायमाझीको जोडीले म्याग्दीका सुरेन्द्र हमालको जोडीलाई १५–२१, २१–२० र २२–२० को सेटमा पराजित गरेको खेलका रेफ्री उदय आर्यालले जानकारी दिए ।
म्यादीका सुरेन्द्र हमाल र विजय बानियाँको जोडी द्वितिय भएको छ । दुई टिमलाई तृतिय बनार्ईएको प्रतियोगितामा म्याग्दीका सिजन गौचनको जोडी तथा बुर्तिबाङ ब्याडमिन्टन क्लबका सोमबहादुर पौवी यामुको जोडी तृतिय भएको छ । प्रतियोगितामा प्रथम हुनेले नगद २० हजार रुपैयाँ, द्वितियले १० हजार र तृतिय हुने दुवै टिमले समान २ हजार ५ सय रुपैयाँ हात परेका छन् । पुरुष एकल तर्फको उपाधि पनि बुटवल ब्यडमिन्टन क्लवका गणेश रायमाझीले नै जितेका छन् । रायमाझीले बुर्तिबाङ ब्याडमिन्टन क्लबका दिलेन्द्र पुनलाई २२–२० र २१–१६ को सोझो सेटमा हराउँदै उपाधि जितेका क्लबका संस्थापक अध्यक्ष सोमबहादुर पौवी यामुले जानकारी दिए । एकलमा बागलुङका विवेक जिसी र बागलुङकै राजिन खड्का तृतिए भएका छन् । प्रथमले १५ हजार रुपैयाँ, द्वितियले १० हजार र तृतिय हुने दुवै जनाले समान २ हजार रुपैयाँ पाएका छन् । पुरुष युगलको जुनियरतर्फ बुर्तिबाङ ब्याडमिन्टन क्लबका अमर लोप्चन र अजित कुँवरको जोडि विजयी भएको छ । अमरको जोडीले बुर्तिबाङ ब्यडमिन्टन क्लबकै अर्को टिमका झक शर्मा र सरोज घर्तीको जोडीलाई २१–१०, २०–२२ र २१–१५ को सेटमा पराजित गरेको हो । पराजित बुर्तिबाङ ब्याडमिन्टन क्लवका झक शर्माको जोडी द्वितिय भएकोे छ । जुनियरमा बागलुङ गलकोटका दिलिप श्रेष्ठ र बाबुराम चालिसेको जोडी तथा गुल्मी–बुर्तिबाङ टिमबाट खेलेका नविन श्रेष्ठ र हेमेन्द्र सेरचनको जोडी तृतिय भएको छ । प्रथमले १० हजार, द्वितियले ७ हजार र तृतिय हुने दुवै टिमले समान १ हजार ५० सय रुपैयाँ हात परेका छन् । क्षेत्रिय प्रतियोगितामा पुरुष युगलतर्फ २२ समुह, जुनियरतर्फ २१ समुह र एकलतर्फ २० जनाको सहभागिता रहेको थियो । कार्यक्रममा पश्चिमाञ्चल विकास क्षेत्रका गुल्मी, रुपन्देही, अर्घाखाँची, पर्वत, म्याग्दी, कास्की, पाल्पा, बागलुङ लगायतका जिल्लाबाट खेलाडीहरु साहगागी भएका थिए । प्रतियोगिता बुर्तिबाङ बजारमा रहेको बवर्ड हलमा सञ्चालन भएको थियो । प्रतियोगितामा विजयी खेलाडीलाई सांसद ज्ञानकुमारी छन्त्याल र बुर्तिबाङ नगरविकास समितिका अध्यक्ष अर्जुन शेरचनले पुरस्कार र प्रमाणपत्र प्रदान गरेका थिए । कार्यक्रम क्लबका अध्यक्ष ईन्द्र घर्तीको अध्यक्षता र पत्रकार रामनारायण सुवेदीको सञ्चालनमा सम्पन्न भएको थियो ।न प्रतियोगिताको उपाधि बुटवललाई
