सिंगापुर, ३० असोज – बच्चा जन्माउन चाहनेहरुका लागि घर किनिदिने योजना सुरु गरेको सिंगापुरकी वरिष्ठ मन्त्री जोसेफिन तियोले सेक्सका लागि धेरै ठाउँ नचाहिने बताएकी छन् । सिंगापुरमा घट्दो शिशु जन्मदरलाई लिएर मन्त्री जोसेफिनले सरकारी मिडियामाझ भनिन्– सेक्स गर्नलाई धेरै ठाउँको जरुरत पर्दैन । कम ठाउँमा पनि यो गनै सकिन्छ ।
जनसंख्या वृद्धिको घट्दो अनुपातलाई मध्यनजर गर्दै ती मन्त्रीलाई सोधिएको थियो– के सिंगापुरका युवा वर्ग आफूसँग घर नभएकै कारण बच्चा नजन्माएका हुन् ? त्यसकै जवाफमा मन्त्री जोसेफिनले उक्त जवाफ दिएकी थिइन् ।
सिंगापुरका युवा वर्ग आफ्ना आमाबुबासँग रहँदा बच्चा जन्माउन नचाहने अनुसन्धानले देखाएको छ । जबकी मन्त्री जोसेफिन भन्छिन्– सम्पत्ति प्राथमिकतामा राख्नु हुँदैन । सरकारले आफ्ना जनतालाई परिवार बढाउन प्रोत्साहन गरिरहेको छ ।
विश्वको अन्य धनी राष्ट्रजस्तै सिंगापुरमा पनि शिशु जन्मदर एकदमै न्युन छ । सन् २०१३ मा सरकारले बच्च जन्माउन चाहनेहरुका लागि घर किनिदिने योजना सुरु गरेको थियो ।
