धादिङ दुर्घटना : मृतकको संख्या १४ पुग्यो

धादिङ, ११ असोज – धादिङबेंसीबाट मार्पाक गाविस जाँदै गरेको मिनिबस दुर्घटनामा मृत्यु हुनेको संख्या १४ पुगेको छ । ना ४ ख ३३१८ नम्बरको बस दुर्घटनामा १४ जनाको शव फेला र ९ जना घाइतेलाई उद्धार गरिएको प्रहरी निरीक्षक भीम भट्टराईले जानकारी दिए ।
मृतकमध्ये १० पुरुष र ४ महिला रहेका छन् । नौ जना घाइतेलाई काठमाडौं पठाउन हेलिकोप्टर मगाइएको प्रहरी निरीक्षक भट्टराईले बताए ।
उद्धारका लागि सदरमुकामबाट पनि प्रहरी घटनास्थल पठाइएको उनले बताए । बस मार्पाक–६, लपाङफेदीको उकालोमा ओभरलोडका कारण दुर्घटनामा परेको प्रहरीकाे प्रारम्भिक अनुमान छ ।