विशालको ठूलो अन्तरको जित

काठमाडौँ, ११ असोज-कप्तान पारस खड्का शतकबाट एक रनले चुकेपनि उनको विशाल वारियर्सले वाईवाई ईपीएल ट्वान्टी ट्वान्टी क्रिकेटमा सोमबार ठूलो अन्तरको जित निकाल्यो । वर्षाले प्रभावित पहिलो खेलमा कान्तिपुरसँग बराबरीमा चित्त बुझाउन बाध्य विशालले दोस्रो खेलमा भने सगरमाथा लेजेन्ड्सलाई २५ रनले हरायो ।
जितका लागि १ सय ७५ रन पछ्याइरहेको जगदम्बाले २० ओभरमा पाँच विकेट गुमाएर १ सय ४९ रन मात्र जोड्न सक्यो । उसका लागि प्रारम्भिक ब्याट्सम्यान सुनिल धमालले सर्वाधिक ८७ रन बनाए । उनी पनि शतकको नजिक पुगेर दबाबमा आए । उनले ६० बलको इनिङ्समा छ चौका र पाँच छक्का प्रहार गरे । उनलाई छाडेर अरु ब्याट्सम्यानले खासै योगदान दिन सकेनन् ।
यसअघि जगदम्बाले भने चार विकेटमा २० ओभर उपयोग गरेर १ सय ७४ रन बनाएको थियो । पारसले शतकको निकै नजिक पुगेर पनि निराश हुन बाध्य रहे । आफू ९९ रनको स्थितिमा उनले प्रहार गरेको बल बाउन्ड्रीतिर राहुल विश्वकर्माले सुन्दर क्याच लिएका थिए । पारसले दुई चौका र दस छक्का प्रहार गरे । उनले ४५ बलको मात्र सामना गरे । यस्तै सुरज कुर्मीले नटआउट रहेर ३० रन बनाए ।