म्याग्दी, १० असोज – जिल्ला सदरमुकाम बेनीस्थित हिलसाईड/शिक्षामार्गमा रहेको माउण्ट एभरेष्ट आवासीय माध्यमिक विद्यालयले अन्तर विद्यालय स्तरीय ‘माउण्ट कप’ कराँते प्रतियोगिता सम्पन्न गरेको छ ।
विद्यालयले सञ्चालन गरेको दशैँ–तिहार विशेष कार्यक्रम अन्तर्गत जिल्ला स्तरीय अन्तर मावि कराँते प्रतियोगिताको आयोजना गरिएको विद्यालयका प्रिन्सिपल राजु के.सी. ले जानकारी दिए ।
उक्त प्रतियोगितामा बेनीबजारस्थित विभिन्न ५ वटा विद्यालयका कराँते विद्यार्थीहरुको सहभागिता रहेको थियो । विभिन्न तौल समूहमा गरी जम्मा १८० जना खेलाडीले भाग लिएको माउण्ट एभरेष्ट कराँते डोजोले जनाएको छ ।
प्रतियोगितामा प्रथम, द्धितीय, तृतीय हुने खेलाडीहरुलाई प्रमाणपत्रद्धारा सम्मान गरिएको थियो । प्रतियोगितामा क्षेत्रीय रेफ्रीहरु चन्द्र बुढा, चन्द्रा घले, विना घर्ती मगर, निर्मल पून, सुमन बानियाँ, सागर चोखाल लगायतले रेफ्रीको भूमिका निर्वाह गरेका थिए ।
कार्यक्रम माउण्ट एभरेष्ट आमाविका प्रिन्सिपल राजु केसीको सभापतित्व, जिल्ला खेलकुद विकास समिति म्याग्दीका अध्यक्ष कृष्णकुमार विश्वकर्मा, राष्ट्रिय खेलकुद परिषद् अन्तर्गत कराँतेका सहायक प्रशिक्षक, विद्यालयका अतिरिक्त विभाग प्रमुख कमल बानियाँको विशेष उपस्थिती रहेको थियो भने कार्यक्रमको सञ्चालन नेपाल सितेरियो कराँते संघ म्याग्दीका सचिव विरेन्द्र श्रेष्ठले गरेका थिए ।
‘माउण्ट कप’ कराँते प्रतियोगिता सम्पन्न
