देशको आर्थिक विकासका लागि राज्यले बनाएको नीतिको महत्वपुर्ण स्थान ओगटेको क्षेत्र भनेको नेपालको पर्यटन क्षेत्र हो । अन्तराष्ट्रिय, राष्ट्रिय होस या आन्तरिक पर्यटन देशको अर्थतन्त्रको दश प्रतिशत हिस्सा ओगटेको महत्वपुर्ण क्षेत्र हो पर्यटन । नेपाल पर्यटनका हिसाबले निकै धेरै सम्भावना बोकेको क्षेत्र हो । प्राकृतिक रुपमा भएका स्रोत साधानहरु र प्राचिन सम्पदालाई मात्रै प्रयोग प्रचार–प्रसार र प्रबर्धन गर्न सके नेपालको पर्यटनले कुल ग्राहस्थ उत्पादनको दश प्रतिशत हैन करिव–करिव आधा अर्थात् पचास प्रतिशत हिस्सा ओगट्न सक्ने क्षमता राखेको छ । जैबिक विविधता, प्रकृतिका अनुपम उपहार हिमश्रृंखला, नदिनाला र तलाउ मात्रै हैन तीन क्षेत्रको रुपमा रहेको नेपालमा पाईने जमिन र उत्पादनको विविधता पनि नेपालको पर्यटनका आधार हुन् । तराई पहाड र हिमाली भू–भागमा जमिनको बनावटमा रहेको विविधता र यहाँका कला संस्कृति तथा पौराणिक महत्वका बस्तुहरुले अर्कोतर्फ पर्यटनको विकासलाई टेवा पु¥याईरहेका छन् ।
प्रकृतिले दिएका अनुपम उपहारहरु कतिपय समस्याका कारण प्रयोगमा आउन नसक्दा तिनीहरुको महत्व घटेर गैरहेको यथार्थ त हाम्रा सामु छँदैछ तर पछिल्लो समयमा भएका केही मानविय गतिबिधिका कारण एका–एक चर्चामा आएका नयाँ पर्यटनका क्षेत्रहरुको पनि अहिले बजारमा चर्चा छ । केही उदाहरणको रुपमा लिनुपर्दा पछिल्लो समय पर्वतको ज्ञादी र कुश्मा जोड्ने पुलले निकै चर्चा मात्रै कमाएन लाखौं आन्तरिक पर्यटकलाई पर्वत भित्राउन सहयोग समेत ग¥यो । त्यो लगत्तै पर्वतको सदरमुकाम र बागलुङको बलेवा जोड्ने नेपालकै अग्लो मानिएको पुल झोलुङ्गे पुल निर्माण भयो । त्यसको पर्वत क्षेत्रका उद्यमीहरुले ब्यापक प्रचार गरे र त्यसले पर्वतको पर्यटनमा थप टेवा पु¥यायो र अहिलेसम्म पनि दिनानुदिन पर्वतको सदरमुकाम आएर झोलुङ्गे पुल हेर्न आउनेको लर्को नै लाग्ने गरेको छ । पर्वतको सदरमुकाम र बागलुङकै बलेवा जोड्ने यान्त्रिक पुल पनि निर्माण भयो । हजारौं आन्तरीक पर्यटक त्यही पुलमा यात्रा गरेर आनन्द लिनको लागि आए । त्यसको पनि पर्वतका व्यवसायीले भरपुर फाईदा उठाए तर त्यही पुल तथा यान्त्रिक पुलको निर्माणमा ठुलो रकम खर्च गरेको बागलुङले आवस्यकता अनुसारको प्रचार गर्न नसक्दा त्यसको फाईदा उठाउन सकेन् । त्यो मात्रै हैन ति झोलुङ्गे पुलहरु जस्तै निकै अग्लो स्थानबाट निर्माण गरिएको बागलुङ सदरमुकाम र जिल्लाकै तित्याङ गाविसलाई जोड्ने झोलुङ्गे पुलमा दैनिक आवस्यकताले तर्ने बाहेक पर्यटनको हिसावले पुग्नेको संख्या शुन्य छ ।
समय बदलिएको छ । भएका संरचनालाई समायानुकुल परिवर्तन गर्ने र पुराना संरचनाको लागि नयाँ संरचनाको निर्माण गर्ने काम नगर्ने हो भने पर्यटनको क्षेत्रमा विकास सम्भव नभएको प्रमाणित यस्ता घटनाले गरेका छन् । पर्याप्त प्रचार–प्रसार र आन्तरीक तथा बाह्रय पर्यटकलाई भित्राउनका लागि प्रकृतिका अनुपम उपहारमा केही कृतिम संरचना निर्माण गर्दा पर्यटनको क्षेत्रमा फड्को मार्न मद्दत गदर्छ । लगानी गरेर पनि त्यसको प्रबद्र्धन गर्न नसक्नाले धेरै सम्भावना लुकेर बसेका छन् । संभावनालाई बाहिर ल्याउन थोरै लगानी र थोरै मेहेनत गर्ने होभने धरै प्रतिफल दिने क्षेत्र पर्यटन हो चेतना भया ।
Previous Articleबलेवा विमानस्थल संचालन गर्ने भए…
Next Article २०७४ पुस ४ गते मंगलबारको राशिफल