बाम र कांग्रेस दुबै जनताको घरदैलोमा

बागलुङ, १६ कार्तिक– चुनावी प्रचारलाई तीब्र बनाएका बाम दलहरुले बुधबार पनि चुनावी प्रचार कार्यक्रमलाई निरन्तरता दिएका छन् । बुधबार बिहानदेखी प्रचारमा निस्किएका बाम दल तथा उम्मेदवारहरुले घरदैलो तथा चुनावी सभा सम्पन्न गरेका छन् । चुनावी प्रचारमा रहेका बागलुङको क्षेत्र नं १ का प्रत्यक्षतर्फका उम्मेदवार डा.सुर्य पाठक र क्षेत्र नं १ को २ का कृष्ण थापा सहितको टोलीले बुधबार बागलुङको बरेङ गाउँपालिकामा घरदैलो तथा कोणसभा सम्पन्न गरेको छ ।
कार्यक्रमा बोल्दै डा. सुर्य पाठकले समुदायको समुन्नती र विकासको लागि बाम गठबन्धनको बिजय आवस्यक भएको बताए । समयअनुकुल परिवर्तनको लागी सुर्य चिन्हमा मतदान गरी जनपक्षीय उम्मेदवारलाइ जिताउन पाठकले आग्रह गरे । सोही अवसरमा बोल्दै क्षेत्र नं १ को २ का बाम उम्मेदवार कृष्ण थापाले सबैखालका समुदायको प्रतिनिधित्व कम्युनिष्टले मात्रै गर्ने भएकाले बाम उम्मेदवारलाई जिताउन आग्रह गरे ।
बागुङको क्षेत्र नं १ को १ का उम्मेदवार ईन्द्रलाल सापकोटासहितको टोलीले बुधबार बागलुङ नगरपालिकाको मालिकामा घरदैलो अभियान सञ्चालन गरेको छ । मालिका पुगेको बाम नेताहरुको टोलीले जनताको घर–घरमै पुगेर छलफल तथा सुर्य चिन्हमा मतदानका लागी आग्रह गरेका थिए । घरदैलो पछिको कोणसभालाई सम्बोधन गर्दै एमाले नेतृ मन कुमारी केसीले समान सहभागिताको लागि बाम गठबन्धनको जित अपरिहार्य रहेको बताईन् । उम्मेदवार तथा एमाले जिल्ला अध्यक्ष इन्द्र लाल सापकोटाले बागलुङमा लामो समय अल्झेका विकास निर्माणको कामका लागी बाम उम्मेदवारलाई जिताउन आग्रह गरे । यस्तै बाम गठबन्धनलाई जिताउनको लागि भन्दै जिल्लाको । रेशमा कृष्णबहादुर घर्तिको अध्यक्षतामा बाम भेला सम्पन्न भएको छ । भेलाले बृहत निर्वाचन परिचालन कमिटी गठन गरेको जानकारी प्राप्त भएको छ ।
उता, जिल्लाको क्षेत्र नं २ का उम्मेदवार देबेन्द्र पौडेल सहितको टोलीले बुधबार बुर्तिबाङमा घरदैलो तथा चुनावी सभा सम्पन्न गरेको छ । भेलालाई संबोधन गर्दै बाम उम्मेदवार तथा माओबादी केन्द्रका नेता देबेन्द्र पौडेलले परिवर्तनलाई संस्थागत गर्न बाम उम्मेदवारहरुलाइ मतदान गर्न आग्रह गरे । कार्यक्रममा एमाले, माओवादी र राष्ट्रिय जनमोर्चाका नेता कार्यकर्ताहरुको बाक्लो उपस्थिति थियो । बाम गठबन्धनको संयुक्त चुनावी अभियान बागलुङको क्षेत्र २ ग्वालीचौरमा सम्पन्न भएको छ । कार्यक्रम नेकपा माओवादि केन्द्र पोलिटव्युरो सदस्य तथा साझा बाम गठबन्धनका बागलुङ क्षेत्र न २ को २ का उमेदवार चन्द्र बुढा सागरले बिदेशी शक्तिको चलखेल देशमा भष्ट्रचार महंगी र देश अस्थिरतातिर गएकाले त्यसको बिरुद्धमा देशमा बाम एकता भएको बताए । राष्ट्रिय जनमोर्चाका जिल्ला प्रतिनिधी मेखबहादुर पाईजाले निर्वाचन क्षेत्रको सम्भावना र चुनौतीको सामना गर्दै संयुक्त बामका उमेदवारलाई जिताउन कार्यकर्तालाई आग्रह गरे ।
यसैबीच, नेपाली काँग्रेस बागलुङले पनि चुनावि प्रचारलाई जारी राखेको छ । क्षेत्र नं. १ का प्रतिनिधि सभा र १ को २ का प्रदेश सभाका उम्मेदवार यतिबेला जनताको घरदैलोमा भोट माग्न व्यस्त छन् । प्रतिनिधि सभाका उम्मेदवार तथा सहकारी तथा गरिबी निवारण राज्यमन्त्री चम्पादेवी खड्का र प्रदेश सभाका उम्मेदवार प्रकाश शर्मा पौडेलले बुधबार पनि दक्षिण बागलुङको छिस्तीमा घरदैलो तथा चुनावी सभा गरेका छन् । छिस्तीको नेपाने, बाईनकुना, मर्नास र केवैका उनीहरुले घरदैलो गरेका हुन् । चुनावी सभालाई सम्बोधन गर्दै नेपाली काँग्रेस बागलुङ १ का प्रतिनिधि सभाका उम्मेदवार राज्यमन्त्री चम्पादेवी खड्काले आफु बागलुङको दक्षिण भेगकी चेली भएका कारण आफ्नो चेलीलाई पक्कै पनि यहाँका जनताहरुको साथ रहेने बताईन् । कार्यक्रममा नेपाली काँग्रेसका जिल्ला सचिव नवराज पौडेल, नेपाल विद्यार्थी संघका उपाध्यक्ष डिल्लीराम सुवेदी, महासमिति सदस्य कल्पना हमाल पाठक, जैमिनी नगरपालिकाका नगर प्रमुख ईन्द्रराज पौडेल, महाधिवेशन प्रतिनिधि गणेश सापकोटा, क्षेत्रीय सभापति नारायण शर्मा पौडेल, चिवरञ्जीवी गौतम, जैमिनी ७ का वडा अध्यक्ष बिजय अधिकारी, टेड्र युनियन काँग्रेस बागलुङका अध्यक्ष रामप्रसाद अधिकारी, धौलागिरी बहुमुखी क्याम्पसका स्ववियु उपसभापति बालकृष्ण शर्मा नेपाल विद्यार्थी संघका जिल्ला सचिव श्रीकृष्ण पौडेलले बोलेका थिए । कार्यक्रम काँग्रेस जैमिनी–७ छिस्तीका संयोजक दयाराम शर्माको अध्यक्षता, भोजराज रेग्मीको संचालनमा सम्पन्न भएको थियो ।
यसैबीच नेपाली कांग्रेस क्षेत्र नं २ का उम्मेदवारहरुले बुधबार तमानखोला गाउँ पालिका १ र २ बुङ्गादोभान बजारमा आमसभा सम्पन्न गरेका छन् । आम सभालाई संबोधन गदै क्षेत्र नं २ का उम्मेदवार नरबहादुर पुनले लोकतन्त्रको रक्षाका लागि कांग्रेसलाई भोट दिनु पर्ने बताए । कांग्रेले मात्रै जनताको मतको कदर गर्ने भन्दै उनले आफुलाइ मतदान गर्न आग्रह गरे । कार्यक्रममा बोल्दै क्षेत्र नं २ को १ का उम्मेदवार जित बहादुर सेरचनले लोकतन्त्रलाई संस्थागत गर्न देशलाई कांग्रेसको नेतृत्व आवस्यक रहेको बताए । आमसभालाई गाउँपालिकाका अध्यक्ष जोकलाल बुढा, नेपाली कांग्रेसका जिल्ला नेता रामबहादुर बिक लगायतले बोलेका थिए । कार्यक्रम भवानीसंकर पुनको अध्यक्षता दोर्णबहादुर कुँबरको सञ्चालन र खगेन्द्रमान पुनको स्वागतमा सम्पन्न भएको थियो ।
तरुण दल बागलुङले बनायो चुनावी रणनति
प्रतिनिधि सभा र प्रदेश सभाको निर्वाचनमा नेपाली काँग्रेसको भातृ संगठन नेपाल तरुण दलले आफ्नो नयाँ रणनीति तय गरेको छ । बुधबार बागलुङमा सम्पनन बैठकले माउ पार्टिलाई बिजयी गराउन रणनिति बनाएको हो । रणनीतिलाई व्यवहारमा उतार्न भन्दै तरुण दलले बागलुङका २ प्रतिनिधि सभाका सदस्य र ४ प्रदेश सभाका सदस्यलाई बिजयी गराउन तरुण दलका अध्यक्ष उमाकान्त शर्मा ‘बाबु’को संयोजकत्वमा तरुण युवा परिचालन समिति गठन गरिएको छ । परिचालन समितिको सदस्यमा क्षेत्र नं. १ को (क) मा बिदुर भण्डारी, धु्रव खड्का, बिम्लेस आचार्य, महेन्द्र खड्का र दिलबहादुर पराजुलीलाई तोकिएको छ । त्यसैगरी, क्षेत्र नं. १ कै (ख) को लागि कृष्णप्रसाद शर्मा, सिताराम रसाईली, दिपक रिजाल, भिम श्रीष र थमप्रसाद सुवेदी राजलाई तोकिएको जिल्ला अध्यक्ष उमाकान्त शर्मा बाबुले बताए । त्यस्तै निर्वाचन क्षेत्र नं. २ मा पनि तरुण युवा परिचालन गरिएको छ । दुई को (क) मा रेशम मल्ल, प्रदिप खरेल, दिपक आचार्य र योगेश भण्डारीलाई तोकिएको छभने दुई को ख अम्मर लोप्चन, देवन्द्र बुढा, कृष्ण भण्डारी र कल्याण कायतलाई तोकिएको तरुण दलले जनाएको छ । निर्वाचनमा काँग्रेसका उम्मेदवारलाई जिताउन आ–आफ्नो स्थानबाट खट्नका कार्यसमितिले आग्रह गरेको छ ।