जनमोर्चाले उम्मेवार टुंगायो, बागलुङबाट को—को परे ?

बागलुङ, १ कार्तिक –राष्ट्रिय जनमोर्चाले संसदीय र प्रादेशिक चुनावका लागि उम्मेदवारहरुको टुंगो लगाएको छ । मंगलबार केन्द्रीय कार्यालयमा आयोजित बैठकले राष्ट्रिय जनमोर्चाले संसदीय र प्रादेशिक चुनावका लागि उम्मेदवारहरुको टुंगो लगाएको जानकारी प्रेस विज्ञप्तिमार्फत गराएको । राजमोले जारी गरेको प्रेस बिज्ञप्तीमा उल्लेख भए अनुरा प्रतिनिधि सभाको लागी बागलुङको क्षेत्र नं १ मा अम्मरबहादुर थापा र क्षेत्र नं २ मा मिना पुनले प्रत्यक्ष तर्फ चुवाव लड्ने निस्चित भएको छ । त्यस्तै राजमोले प्रदेश सभाका उम्मेदवारहरु समेत नाम सार्वजनिक गरेको छ ।
प्रदेश सभाको लागि बागलुङ क्षेत्र नं १ कलष्टर क बाट तिलक थापा र कलष्टर ख बाट कृष्णबहादुर थापाले चुनाव लड्ने भएका छन् । बागलुङको क्षेत्र नं २ कलष्टर क मा भिमसेन वन र कलष्टर ख मा टेकबहादुर घर्तीले चुनाव लड्ने राजमोले जनाएको छ । कहिले बाम गठबन्धन सँग त कहिले कांग्रेस सँग तालमेलको प्रयास गरेको राजमोले उम्मेदवारको टुङ्गो लगाएको छ । कुनैपनि शक्तिसँग तालमेलको कुरा नमिलेकाले एक्लै निर्वाचनमा जाने गरी उम्मेद्वारको टुंगो लगाइएको राजमोले जनाएको छ ।