प्रथम गल्कोट सांस्कृतिक महोत्सव सकियो

बागलुङ,१ कार्तीक –समग्र विकासको लागि नयाँ परिकल्पना भन्ने मुल नाराका साथ बागलुङ जिल्लाको गलकोट नगरपालिकाको वडा नं ६ मजुवा फाँटमा असोज १८ गतेदेखि सञ्चालित प्रथम गल्कोट सांस्कृतिक महोत्सव सम्पन्न भएको छ । महोत्सव अवधिभर करिब ३५ हजार दर्शकले अवलोकन गरेको तीन करोड बराबरको आर्थिक कारोबार भएको महोत्सव मुल समारोह समितिका सचिव रामप्रसाद कँडेलले जानकारी दिए । महोत्सब समापन कार्यक्रममा बोल्दै प्रमुख जिल्ला अधिकारी विष्णु बहादुर थापाले महोत्सवले गलकोटको प्रर्यटन प्रबर्धनमा महात्बपुर्ण भुमिका खेलेको बताए । महोत्सवमा आयोजित खुल्ला पुरुष भलिबल प्रतियोगितामा गल्कोट मोर्डनाईज एकेडेमी हरिचौरलाई पराजित गदै थ्रि ब्रर्दश अटो वर्कमोबाईल हटियाले उपाधी उचालेको छ । उपाधीसंगै अटो मोबाईलले नगद १ लाख २ हजार २ सय २२ पुरस्कार प्राप्त गरेको छ । उपबिजेता बनेको गल्कोट मोर्डनाईज एकेडेमी हरिचौरले नगद ५२ हजार २ सय २२ रुपैया प्राप्त गरेको छ । महोत्सबको आर्कषकको रुपमा रहेको गलकोट डान्स च्याम्पीयन प्रतियोगीतमा रिघाकी एसिया सिञ्जालीले प्रथम गलकोट डान्स च्याम्पीयनको उपाधी जित्न सफल भएकी छन् ।
सिञ्जालीले उपाधीसंगै नगद ५० हजारको साथमा एउटा म्युजिक भिडियोमा अभिनय गर्ने अबसर पाएकी छन् । उपबीजेता बन्न सफल हटियाकी सकुना खत्रीले नगद २५ हजार र तृतिय हने हरिचौरकी अशु मल्लले १५ हजार प्राप्त गरेका छन् । च्याम्पीयनको सान्तवनामा बिनीता बुढाथोकीले स्थान बनाईन् । महोत्सव मुल समारोह समितिका संयोजक हर्क पाण्डेले जानकारी दिए । खुल्ला लोक दोहोरी गित प्रतियोगीतामा सामुदायिक रेडियो गलकोट एफ एमले जित्दै नगद २५ हजार प्राप्त गरेको छ । उपबिजेता बडिगाड कलाकेन्द्र ग्बालीचौरले १५ हजार प्राप्त गरेको छ । त्यस्तै सान्तवना बनेको बागलुङकालीका सुनचादी पसल हटियाले १० हजार प्राप्त गरेको छ । यस्तै, खुल्ला रत्यौली गीत प्रतियोगितामा आठ समुहको प्रस्तुती थियो । प्रतियोगितामा नमुना आमा समुह मजुवा प्रथम, दुदिलाभाटी आमा समुह द्वितिय, एकता आमा समुह हटिया बजार तृतिय र नौविसे आमा समुह कालीमाटी सान्तवना भएका छन् ।
१२ वर्षपछि गलकोटमा महोत्सव आयोजना गरिएकोले महोत्सवमा दर्शकको अत्यधिक दर्शको उपस्थिति रहेको महोत्सव आयोजक मुल समारोह समितिका कार्यक्रम संयोजक हुम थापाले बताए । महोत्सवमा ख्यातीप्राप्त कलाकारहरुको सांगितिक प्रस्तुति समेत रहेको थियो । महोत्सवले गलकोटको पर्यटन, खेलकुद, कला, संस्कृतिको संरक्षण सम्वर्दनमा उल्लेख्य भुमिका खेलेको महोत्सव मुल समारोह समिति खेलकुद संयोजक हेम बुढाथोकीले बताए ।