काठमाडौं, १२ साउन – नेकपा एमालेको स्थायी समिति बैठकले पर्वत र मुस्ताङमा जिल्ला समन्वय समितिका उम्मेदवारको टुंगो लगाएको छ । पर्वतमा मनोहर पौडेल विश्वकर्मालाई प्रमुख तथा यमकुमारी रानालाई उपप्रमुख बनाउने निर्णय भएको छ ।
त्यस्तै मुस्ताङमा छिरिङ ल्हामू गुरुङलाई प्रमुख र रिन्ञिन नाम्गेल गुरुङलाई उपप्रमुख बनाउने निर्णय गरेको छ ।उक्त बैठकले निर्वाचन क्षेत्र निर्धारण आयोगलाई राजनीतिक हस्तक्षेप र स्वार्थबाट मुक्त भएर काम गर्नको लागि ध्यानआकर्षण गराउने निर्णय समेत गरेको पार्टी सचिव प्रदीप ज्ञवालीले एक विज्ञप्ति जारी गरेर जनाएका छन् ।
