अधिकारीचौरमा क्षमता विकास गोष्ठी

बागलुङ, २ असार – जिल्लाको अधिकारीचौरमा कृषिमा आधारित क्षमता विकास गोष्ठी तथा सहयोग सम्बन्धि दुई दिने कार्यक्रमको बिहिबार उद्घाटन गरिएको छ ।
आमा मिलक केन्द्र, सत्कर्म नेपाल, महिला मानब अधिकार रक्षक सञ्जाल बागलुङको सँयुतm आयोजनामा कार्यक्रम शूरु भएको हो । निर्वाचन क्षेत्र बिकास कोष क्षेत्र नं. ३ को सहयोगमा सञ्चालित कार्यक्रमका अबसरमा ढोरपाटन नगरपालिका वडा नं. ५ अधिकारीचौरका ४३ जना स्थानिय कृषक, आमा समुह लगायतको सहभागिता रहेको हो ।
नाथुरी ताजा तरकारी उत्पादन कृषक समुहका अध्यक्ष यमलाल कँडेलको अध्यक्षता रहेको कार्यक्रममा माननीय सांसद ज्ञानकुमारी छन्त्यालको प्रमुख आतिथ्यता रहेको थियो । त्यस्तै कार्यक्रममा नेपाली काँग्रेस महाधिबेशन प्रतिनीधि सागर छन्त्याल, आमा मिलन केन्द्रका ज्ञानु थापा मगर, सत्कर्म नेपालका निरीक्षक तथा अधिकारकर्मी सिताराम थापा, दिलमाया पौवी, रत्ना शेरचन, पत्रकार डम्बर बुढा लगायतको आतिथ्यता रहेको कार्यक्रमका अबसरमा स्थानीय २५ जना कृषकहरुलाई कृषिमा प्रयोग हुने टनेल बितरण गरीएको छ ।
कार्यक्रममा बोल्दै सांसद छन्त्यालले आफुले ग्रामिण क्षेत्रको विकास र समाज रुपान्तरण मुलक अभियानमा सक्रिय रुपले सहयोग गरीरहेको बताउँदै सञ्चालीत कार्यक्रमबाट सिकेका ज्ञान र प्राप्त उपलब्धिलाई संस्थागत गर्दे अगाडि बढ्न आग्रह गरेकी थिइन् । त्यस्तै कृषि पेशा, पद्धति, महिलाहरुको कृर्षिप्रतिको मोह र भुमिका, समाजमा महिला अधिकार र दायित्व लगाएतका बिषयमाथि प्रशिक्षण समेत दिईएको थियो ।
आमा मिलन केन्द्र बागलुङका अध्यक्ष ज्ञानु थापाको स्वागत, नवजागरण कृषक समुहका अध्यक्ष चेतलाल बिक, पत्रकार डम्बर बुढा, महादिबेशन प्रतिनीधि सागर छन्त्याल, सत्ककर्म नेपालका निरीक्षक तथा अधिकारकर्मी सिताराम थापा, रत्ना शेरचन लगाएतले मन्तव्य व्यक्त गरेका थिए । कार्यक्रमको संचालन दिलमाया पौवीले गरेकी हुन् ।