अब नेपाली नर्सलाई बेलायत प्रवेश सजिलो

प्रजय शुक्ल
लण्डन, २० बैशाख – युरोपियन युनियन (इयू) बाट बेलायत बाहिरिने भएपछि यहाँका अस्पतालहरुमा नर्सको संख्यामा भारी गिरावट भएको छ। त्यसैले जनशक्ती परिपूर्तिका लागि बेलायत सरकारले नयाँ नियम ल्याउँदा नेपाल, भारत, फिलिपिन्स जस्ता देशबाट ठूलो संख्यामा नर्सहरु बेलायत प्रवेश गर्ने बाटो खुलेको छ।
बेलायत आएर ‘नर्सिङ रजिस्ट्रेसन कोर्स’ गर्नका लागि पहिले नेपाली नर्सहरुले अंगे्रजी परीक्षा (आइईएलटिएस) का सबै व्याण्डमा ७ अंक ल्याउनूपर्नेे नियम थिया‘नर्सिङ रजिस्ट्रेसन कोर्सको परीमाक्षा पनि एकैपटकमा पास गर्नुपर्ने हुनाले नेपाली नर्सहरुलाई अस्पतालमा काम गर्ने योग्यताको मापदण्ड छिचोल्न हुन निकै गाह्रो थियो।
तर अहिले नियम परिवर्तन भएपछि पहिलेभन्दा सहज भएको छ। नयाँ नियम अनुसार अंग्रेजी परीक्षा आइईएलटिएसमा ६ महिना भित्रमा २ पटक परिक्षा दिएर सबै व्याण्डमा ७ अंक ल्याएमा त्यस्ता नर्सहरु जागीरका लागि योग्य हुनेछन्। त्यसैगरी अब नेपाली नर्सहरुले नर्सिङ रजिस्ट्रेसन परिक्षा पनि ३ पटकमा पास गर्न पाउँने प्रावधान तय भएको छ।
‘यो नियमले अब नेपाली नर्सहरुलाई बेलायत प्रवेश सहज भएको छ’ नेपलिज नर्सिङ एसोसिएसन यूकेका उपाध्यक्ष विनोदविकास सिंखडाले खुशी व्यक्त गर्दै भने, ‘नयाँ नियम लागू भएपछि नेपालबाट सयौं नर्सहरुले बेलायतका लागि भिसा आवेदन गरेको खबर पाइएको छ।’
काठमाडौंमा नेपाल मेडिकल काउन्सिल (एनएमसी) बाट पिन–नम्बर लिने र बेलायतमा काम गर्न योग्य बनाउने प्रक्रिया पूरा गर्न अहिले बेलायतको नर्सिङ कोलोनियल रिक्युटमेन्टले काम गरिरहेको जानकारी दिँदै उपाध्यक्ष सिंखडाले भने, ‘यो नयाँ नियम बेलायत सरकारले अहिलेको नर्स पेशमा देखिएको भयावह स्थिति चिर्नको लागि ल्याएको हो, त्यसैले यो वैदेशिक रोजगारीको अवसर ईच्छुक नेपाली नर्सहरुका लागि त्यत्तिकै महत्वपूर्ण हुनसक्छ।’सन् २०१५ मा मात्र युरोपका मुलुकबाट ९ हजार ३ सय ८८ नर्सले बेलायत आएर काम सुरु गरेका थिए तर बेलायत इयूबाट बर्हिगमन हुने भएपछि गर्न यहाँ आएका ९० प्रतिशत नर्सहरु घर फर्केको पछिल्लो तथ्याङ्कमा उल्लेख गरिएको छ। बेलायतको नसिङ एण्ड मिडवाइफ काउन्सिलले सार्वजनिक गरेको यो तथ्याङ्कले गत महिना मात्रै बेलायतका विभिन्न अस्पतालहरुमा २४ हजार नर्सहरुको माग भएको तथ्य सार्वजनिक गरेको छ।
नसिङ एण्ड मिडवाइफ काउन्सिलका मूख्य कार्यकारी ज्याकी स्मिथले भनेका छन् ‘ब्रेकसिट पछि युरोपेली मुलुकबाट बेलायतमा नर्सिका लागि आउनेहरुको संख्या घटेपछि यस्तो अभाव देखिएको हो।’
त्यसैगरी, बेलायतको नर्स एण्ड मिडवाइफ एसोसिएसनले पनि यस्तै तथ्य सार्वजकि गरेको छ। एसोसिएसनका अनुसार जुलाई महिनामा मात्र युरोपेली मुलुकबाट १३ हजार ४ नर्सहरुले बेलायतमा नसिङको लागि आफ्नो नाम गरेको तर जुलाई महिना पश्च्यात १ सय १ जनाले मात्रै बेलायतमा आएर काम गरेको रेकर्ड फेला परेको छ।
हाल बेलायतमा नर्सिङ एण्ड मिडवाइफ काउन्सिमा रजिष्ट्रर भएका नेपाली नर्सको संख्या २ हजार ८ सय छ। उपाध्यक्ष सिंखडा भन्छन्, ‘अहिले कसैले आइईएलटिएसमा ७ ल्यायो भने नेपालबाट सोझै वर्कपरमिट भिसा पाउने भएको छ, भिसा प्रकृया पनि पहिलेभन्दा सहज छ। त्यसैले यो संख्या ह्वात्तै बढ्ने अनुमान गरिएको छ।’