अमर आर्दश स्पोर्टस् ट्रफी

बागलुङ, १६ भदौ – अमर आदर्श आवसिय उमावि बागलुङले उत्कृष्ट जीवनका लागि खेलकुद भन्ने नाराका साथ भदौ २४ देखि अमर आदर्श स्पोर्टस ट्रफी २०७३ गर्ने भएको छ ।
विद्यार्थीहरुको शारिरिक एवं चारित्रिक विकासका अतिरिक्त विद्यार्थीहरु र विद्यालयहरु विच सुसम्बन्ध कायम गर्ने उद्देश्यले उक्त प्रतियोगिता सुरु गरेको विद्यालयका भाइस प्रिन्सिपल कमल पन्तले बताए ।
उनले जिल्लामा राम्रा फुटबल खेलाडी उत्पादन गरी राष्ट्रिय प्रतियोगितामा बागलुङ जिल्लालाई बलियो टिम निर्माण गर्नमा सहयोग प¥याउने बताए ।
उक्त प्रतियोगिताको विजेता टिमलाई १२ हजार नगद, ट्रफी, मेडल र प्रमाणपत्र र उपविजेतालाई ६ हजार नगद सहित ट्रफी, मेडल र प्रमाण पत्रले पुरस्कृत गरिने भएको छ ।
यस्तै उक्त प्रतियोगितामा उत्कृष्ट खेलाडी, उत्कृष्ट डिफेन्डर, उच्च गोलकर्ता, उत्कृष्ट मिडफिल्डर र उत्कृष्ट किपरलाई विशेष पुरस्कार प्रदान गरिने भाइस प्रिन्सिपल पन्तले बताए ।
प्रतियोगितामा जिल्लाका १ दर्जन भन्दा बढि उच्च माविका प्रतियोगिहरुले सहभागिता जनाउने आयोजकले जनायो ।