गगन थापाको परीक्षा

कृष्णप्रसाद शर्मा
कुनै बेला ने.बि. संघको अध्यक्ष समेत रहेका काँग्रेसका युवा नेता गगन थापा युवाहरू बीच निकै लोकप्रिय छन् । उनी काँग्रेस समर्थकका लागि मात्र होईनन् अन्य राजनैतिक विचारधारा बोक्नेहरू बीच पनि उतिकै लोकप्रीय नै छन् । उनले आज सम्म तुलनात्मक रुपमा राम्रै भुमिका निर्वाह गरेका छन् । उनले एक पटक गुण्डा नाईके घैटेको मृत्युमा राखेका विचारहरुले भने अलिकति आलोचित नै बने तर त्यस बाहेक उनले सभासद् र सांसद यी दुवै भुमिकामा सकेको काम गरेकै छन् । राजनीतिमा लाग्नेहरूका लागि यो पेशा नभई समाजसेवा वा राज्यका लागि समर्पित गर्नुपर्छ भनेर उनले आँफुलाई बाँच्नका लागि चाहिने आर्थिक श्रोतका लागि कृषि पेशामा समेत लगानी गरेका छन् जुन अरुले पनि सिक्नु पर्छ । राजनीति कमाउने थलो होईन भन्ने कुरा जान्न जरुरी छ ।
प्रचण्ड नेतृत्वको सरकारका मन्त्रीहरूको संख्या ६१ पुग्ने अनुमान गरिएको छ । केही दिन लगाएर थपिएका पछिल्लो १५ मन्त्रीहरूको सुचीमा परेका गगन थापाले स्वास्थ्य मन्त्रालयको जिम्मा पाएका छन् । उनले मन्त्रालय समाले पछि उनलाई बधाई र शुभकामना दिनेको लहरोले सामाजिक संजाल छपप्कै भरिएको थियो जुन कुरा जनता उनी प्रति आशाबादी रहेको अभिव्यक्तिका रुपमा लिईएको छ । उनलाई शुकामना र बधाई दिईरहँदा अधिकांशले उनको परिक्षा शुरु भएको टिप्पणी समेत गरेका छन् । उनले काठमाडौं उपत्यकाको खानेपानी व्यवस्थित गर्नका लागि केही समय अघिसम्म पनि एउटा अनुसन्धात्मक काम गरिरहेका थिए यदि शुरुमा चर्चा पाए जस्तै उनले शहरी बिकास मन्त्रालय पाएको भए केही गर्नैका लागि सामान्य तयारी गरिरहेको बुझिएको थियो तर पनि उनले स्वास्थ्य क्षेत्र पाए । उनका लागि अझै गर्न सक्ने ठाउँ छ हो यो । उनको परिक्षा शुरू भएको टिप्पणी गर्नुको खास चुरो कुरा चाँही उनले डा. गोबिन्द केसीले उठाएका मागहरूमा जनाएको समर्थनको अब व्यवहारिक परिक्षण नै हो । स्वास्थ्य क्षेत्रका हाँगा उपस्वास्थ्य चौकीका रुपमा गाउँ–गाउँ सम्म पुगेको छ । यो प्रत्यक्ष जनतासँग जोडिएको बिषय हो । जाजकोटको जिल्ला जनस्वास्थ्यमा सिटामोलसम्म नपाईने देखी डोल्पाका एउटा गरीबको हात भाँचिएर काठमाडौं ल्याई पु¥याउँदा झण्डै १ लाख खर्च लाग्ने यस्ता समस्याहरू आज हाम्रा आँखा सामु छन् । गगन थापा बाहेक सबैको परीक्षा शुरु हुनु पर्ने हो तर अरू यस भन्दा पहिला पटक–पटक अनुर्तिण भईसकेका छन् भने कतिपयलाई जनताले परिक्षार्थिका रुपमा पनि लिएका छैनन् जो चीट चोरेर पास हुने सोचमा छन् । जसका कारण अहिलेसम्म नक्कली डाक्टरको बिगबिगी छ हाम्रो शहरमा । गगन थापाका परीक्षामा आउने कतिपय प्रश्नहरू शुरुमै बाहिर आएका छन् जुन कुरा उनलाई पनि थाहा छ । पहिलै बाहिर आएका प्रश्नको हल गर्न आँफु तयार भएर पद समालेकै होलान उनी । स्वास्थ्य क्षेत्रमा अहिले यति ठुलो माफियाहरूको गिरोह छ कि यो गिरोहमा ठुला–ठुला पार्टीका नेताहरूपनि सामेल भएको यथार्थ छ जुन कुरा डा. गोबिन्द केसीलाई पागलको संज्ञा दिनेहरू नै आज समाजमा बोलवालाका रुपमा चिनिएका छन् । दक्षिण एसिया मै सबै भन्दा धेरै निजी अस्पताल हाम्रै देशमा छन् । भारत जत्रो ठुलो देशमा भन्दा उसको एउटा प्रान्तको जस्तो क्षेत्रफल र जनसंख्या नभएको नेपालमा किन यतिका धेरै मेडिकल कलेजहरू छन् यो सबैका लागि जगजाहेरै छ ।
यति धेरै अस्पताल भए पनि गरीबले उपचार गर्न सकेका छैनन् भने पुर्व विशिष्ट र उच्च पदस्थहरू विदेशमा गएर उपचार गर्ने रोग कायमै छ । निजी अस्पतालको मनपरीतन्त्रले सरकारी अस्पतालहरू थला परेका छन् । राज्यले छुट्टाएका सरकारी कोटाबाट पढेका दुर्गम क्षेत्रका डाक्टरहरू समेत राजधानी छाडेका छैनन् । डाक्टर गोविन्द केसी जस्ता मान्छेहरूलाई पागल घोषणा गर्ने अख्तियारका पदाधिकारीहरु र अन्य नेताहरूलाई ठीक पार्ने दीर्धकालीन उपाय समेत ल्याउन जरुरी छ अहिलेका स्वास्थ्यमन्त्रीले । गरीबले उपचार गर्नै नसक्ने उपचार गरे पनि उपचारको रकम र्तिन नसकेर अस्पतालबाट डिस्चार्ज हुन नसकेकाहरु छन्  । यो लेख लेखी रहँदासम्म जाजरकोटको एउटा दलित परिवारले केवल ६० हजार तिर्न नसकेर अहिले पनि काठमाडौंको एउटा अस्पतालमा बसिरहेका छन् । यति मात्र होईन भर्खर मात्रै चितवनकी एक महिला आफ्नो श्रीमानको लाश अस्पतालबाट बाहिर निकाल्न ३० हजार तिर्न नसकेर करीब दुई हप्ता देखी लाश अस्पतालमै छ । यि त केही उदाहरणहरू मात्रै हुन यस्ता घटना देशै भरी कति छन् कति । यस्ता घटनाहरूको न्युनिकरण गर्न सक्ने उपाय समेत गगन थापाले सोच्नु पर्दछ अनि मात्र उनी परीक्षामा उत्र्तिण हुन सक्छन् ।
सरकारी अस्पतालको हालत संधै जीर्ण भईरहने तर निजीहरूको अस्पताल भने बाह्रै महिना चम्किरहने यो एउटा दुखद परिदृष्यले सामान्य झाडापखलाबाट मर्नु पर्ने यो समस्यको अन्त्य कसले गर्छ अहिलको गम्भीर बिषय हो । सरकारी अस्पतालका औजार निजी अस्पतालमा ओसारेर उपचार गराएर जनता ठगीरहेका छन् । यिनीहरू रत्नपार्कमा पाकेटमारा भन्दा पनि ठुला पाकेटमारा हुन जसले राज्यलाई डुबाएर आँफु बन्ने सोचमा लागि परेका छन् । डाक्टरी पढ्ने भनेको गरीबको पहुँचको बिषय रहेन अब । १ करोडको हाराहारीमा पैसा लिएर डाक्टर पढाए पछि त्यो डाक्टरले पैसा कमाउनैका लागि यत्रो लगानी गरेको हुन्छ भन्ने बुझ्नु पर्छ तर जसको मारमा सर्वसाधारणहरु पर्दछन् । स्वास्थ्य क्षेत्रमा रहेको यो ठुलो खाडल पुर्नका लागि अहिलेका स्वास्थ्यमन्त्रीलाई त्यति सजिलो भने छैन तर पुर्न आँट गरे सफा मन भएका जनताहरूले पनि साथ दिने छन् । गगन थापाको परिक्षाको नतिजा सकरात्मक आउनु पर्छ जसले गर्दा धेरैलाई उर्जा पनि मिल्ने छ एकातिर भने अर्कातिर गोकर्ण बिष्ट र लालबाबु पण्डितलाई जस्तै संम्झिरहने पनि छन् । त्यसैले गगनजी तपाईलाई शुभकामना परीक्षामा अब्बल हुनु होला !