कोही त पक्कै आउँदैछ

सुरेन्द्र रेग्मी
अहिले यति बेला नेपालामा रबिन्द्र मिश्रले बिबिसी जस्तो प्रतिष्ठित सञ्चार माध्यमबाट राजीनामा दिएर, नेपाल जस्तो गरिब देशमा राजनीति गर्न हामफाल्ने निर्णय गरेको कुराले निकै चर्चा परिचर्चा पाएको छ । उनले मासिक ७ लाख रुपैयाँ तलब, गाडी र परिवारको स्वास्थ्य बिमा सहितको आकर्षक जागिर छाडेर नयाँ पार्टी खोल्ने निर्णय गरे । बिबिसीको नियम अनुसार उनले ६५ वर्षको उमेर सम्म काम गर्न पाउँथे । हाल ५१ वर्षमा दौडी रहेका मिश्रका लागि अझै १४ वर्ष जागिरको चिन्ता थिएन । यति राम्रो नाम र दाम कमाइ रहेका बेला उनले लिएको कडा निर्णयलाई सर्बत्र चासो हुनुलाई अन्नेथा लिनुहुँदैन ।
उनको यस कदमको पत्रपत्रीका समाजिक सन्जालहरुमा बिभिन्न खालका प्रतिकृयाहरु आएका छन् । कतिपय सकारात्मक छन् आशा जगाउने खालका छन्भने कितिपय नकारात्मक खालका छन् । व्यैक्तिक स्वतन्त्रता छ, अभिब्यक्ती स्वतन्त्रता छ सबैले प्रत्येक घटना परिघटनलाई आ–आफ्नै किसिमले बिश्लेषण गर्नु अनौठो पनि होइन ।
आदर्शको जिबन र बास्तबिक जिबन बिल्कुल फरक हुन्छ । आदर्शका कुरा मिठा हुन्छन आकर्षक हुन्छन । तर राजनीति आदर्शले चल्दैन । राजनीतिमा आदर्श भनेको बोल्नका लागि मात्र हो । जब व्यवहारमा लागिन्छ, त्यस पछि धेरै कुरा सोचाइ भन्दा भिन्न हुन पुग्छन् । शून्यबाट राजनीति सुरु गर्न लागेका मिश्रले राजनीति प्रतिको आदर्श सपना र व्यावहारिक यथार्थहरुको मुठभेड हुँदा आफूलाई कसरी जोगाउलान् ? यो पर्ख र हेर बाहेक अरु के गर्न सकिन्छ र । अहिले सबैले नेपाल र नेपालीको समृद्धि चाहेका छन् । पुराना दल र शासकले गरेको अकर्मन्यता, भ्रष्टाचार र कुशासनलाई हटाउन अगाडी तम्सनुपर्छ भन्ने मान्नेताले अहिले केहि अग्रजहरु अगाडी तम्सेका छन् । पुराना दलका पुराना सिमित नेताहरुले गरेको गल्ती, कमजोरी र सिमित स्वार्थबाट बन्धक बनेको देशले निकाश पाउनुपर्ने कुरा प्रति सबैको एक मत देखिन्छ । यही कुरालाई केही हदसम्म बैचारिक तथा कार्यगत रुपमा रबिन्द्र मिश्र लगायतका ब्यक्तिले उठाउँदा यस कुरालाई आजको दिनमा आमबुद्धिजीवी, युवा र परिवर्तन चाहने नेपाली सहमत रहेका छन् ।
हो यति बेला राजनीति शब्द मात्रले पनि मानिसको मनोविज्ञानमा नकारात्मक तस्बिर निर्माण गरेको छ नेपालमा । राजनीति फोहोरी खेल हो भन्छौं तर त्यसलाई सफा गर्न हामी तयार भएनौं, त्यसतर्फ तपाई हामी लागेनौ त्यही भएर राजनीति गर्ने निर्णय गरेकालाई फोहोर सफा गर्छौ भनेकालाई स्वागत छ । असाधारण रूपले स्रोत र साधन सम्पन्न तर राजनीतिक कारणले सधैं अस्थिर र अविकसित देशको भविष्य निर्माण गर्छु भनेर देशमै बसेर अगाडी बढेका सच्चा सपुतहरुलाई मेरो सलुट छ । देशको नेतृत्व गरेर नेपाली राजनीतिको चरित्र र सिंगो देश नै रूपान्तरण गर्नका लागि अगाडी बढेका सच्चा ब्यक्तिहरु (हो कोही खराब पनि छन् जुन देशमा पनि हुन्छन्) राजनीतिलाई कमाइ खाने भाडो बनाएका छन् भन्न उपयुक्त हुँदैन ।
हाम्रो देश नेपालको शत्रु गरिबी, अभाव, भ्रष्टाचार, बेरोजगारी, पछौटेपन हुन । यिनीहरुलाई समाप्त पार्न सबै सित हात मिलाएर अगाडि बढ्न नयाँ पार्टिहरु लाग्नुपर्द्छ । अहिले देखिएका अस्थिरता राजनैतिक गतिरोधले मुलुक बन्धक भैराखेको छ । तत्काल यस्लाई सम्वाद, समझदारी र सहकार्यको मध्यमबाट निराकरणमा लाग्नलाई अहिले सत्तामा शक्तिमा रहेका पार्टीहरुलाई मिलाउन समन्वयकारी भूमिका निर्बाह गर्न सक्नु पनि यिनीहरुको भूमिका हुनुपर्दछ ।
जुनसुकै काम गर्न सकारात्मक सोच र सृजनशीलता आबस्यक पर्छ । यदी सकारात्मक सोच र सृजनशीलता भएमा वर्तमान राजनीति परिवर्तन गर्न नसकिने कुरैछैन । राजनीति गर्न चुनौती छन् तर सकारात्मक सोच राखेर आफ्नो प्रयास जारी राख्ने हो भने चुनैतीहरुलाई पाखा लगाउन सकिन्छ ।
हुन त यति बेला दलहरुलाई लोकतान्त्रीकरण गर्ने, पारदर्शी बनाउने, तिनमा सक्षम र इमानदार व्यक्तिहरुलाई अगाडि बढाउनु आबस्यक छन की नयाँ–नयाँ पार्टी स्थापना गर्नु । प्रत्यक दलहरुमा कुनै व्यक्ति विशेषको उदयमा नागरिक समाज, सञ्चार माध्यम आदिले निकै ठुलो प्रभाव पार्न सक्छन् । तत्कालीन माओवादीमा डा.भट्टराई, कांग्रेसमा गगन थापा अनि एमालेमा रवीन्द्र अधिकारीहरुलाई त्यो ठाउँमा पु¥याउन नागरिक समाज र सञ्चारकर्मीको मुख्य हात छ । दलहरुको रुपान्तरणमा नागरिक समाजले निकै प्रभावकारी भूमिका निर्वाह गर्न सक्छ । भन्नुको अर्थ नयाँ पार्टी बनाउनु भन्दा असल नागरिक समाजको नागरिकहरुको भूमिका निभाउनु नागरिकहरुको महत्वपूर्ण कार्य हुन जान्छ ।
नयाँ राजनैतिक पार्टि खुल्लने सन्दर्भमा नयाँ शक्ति नेपाल र विवेकशील नेपाली दल हाम्रो नेपालमा अगाडी नै नयाँ राजनीतिको सुरुवात गर्ने अठोट लिएर अघि बढेका छन् । यिनीहरुले पनि सुशासन र सदाचारितालाई मुल मन्त्र बनाई राजनीतिक गतिविधि अगाडी बढाएका छन् । यसमै थप पार्टी जन्माउनु भन्दा अहिलेलाई पुराना शक्ति, संरचना, भ्रस्टाचार, कुशासन बिरुद्ध मोर्चाबन्दी गर्न सम्पूर्ण परिवर्तन, विधिको शासन र सम्वृद्धि चाहने शक्तिहरु एक हुनु अपरिहार्य छ । नयाँशक्ति, साझा पार्टी र विवेकशील नेपालीहरू मिले कांग्रेस, एमाले, माओबादी राप्रपा जस्ता पुराना शक्तिलाई पछाडि धाकेल्न सक्दछन् । यदी यि शक्तीहरु मिलेर गएको खण्डमा आउँदो निर्वाचनमा पहिलो शक्ति बनेर उदाउने सम्भावना प्रवल रहन्छ । अनि पो देशलाई सांचिकै बिकाशको मार्गमा जुरुक्क उठाउन सकिन्छ ।
नेपाल ‘सुन्दर, शान्त र विशाल’ हुनुपर्छ । मुलुकमा परिवर्तनको जिम्मेवारी पाएका दलका नेताहरूले यसो गर्न सकिरहेका छैनन् । उनीहरू विधि, विधान र प्रक्रिया मिचेर आफू खुसी निर्णय गर्ने काम गरिरहेका छन् जस्ले जनातामा ब्यापक निरासा छाएको छ । प्रमुख राजनीतिक दलहरू कांग्रेस, एमाले, माओवादी केन्द्र, मधेसी मोर्चा आदि अलग–अलग पार्टी भएपनि अन्तरवस्तु एउटै हो जस्तो देखिएको छ । यिनीहरुको व्यवहार र कर्म एउटै छ । सबै दलका अधिकांश नेतामा योग्यता कुशल राजनीतिक क्षमता छैन् ।
हामी सबै नेपालीले सुन्दर, शान्त मुलुकको नागरिकका रूपमा जीवन बिताउन पाउनुपर्छ । यो अवस्था अबको १०÷१५ बर्षभित्र ल्याउन कोहीनकोही निस्वार्थ भाबले लाग्नैपर्छ । सर्वसाधारणले बिस्तारै विकल्प खोज्नुपर्ने अवस्था आइसकेको छ खोजी रहेका पनि छन् । राजनीतिक–सामाजिक परिवर्तनका अजेण्डामा धेरै अगाडि आइपुगे पनि अब मुलुकलाई विकास निर्माणको बाटोमा हिँडाउने शक्तिलाई नेपाली जनताले खोजेर बसेका छन् । आगामी संसदीय निर्वाचन सम्ममा मुलुकमा कुनै विकल्प आउनुपर्छ जनता त्यसको प्रतिक्षमा छन् ।
हुनत पुराना दलले पनि आफूलाई सुधार गरेभने सर्वसाधारणले पत्याउने अवस्था आउँछ उनीहरुसँग जनाता पनि छन् सजिलो पनि हुन्छ अगाडी बढ्नलाई । यदी यहिले शक्तिमा रहेकाहरु नफेरिने हो वा नयाँ शक्तिहरू नआउने हो भने मुलुकको अवस्था धराशयी हुनेछ । यो अवस्था आउनुहुन्न भन्दै केहि ब्यक्तिहरु लागी परेका छन् । नेपाल फेर्न सक्ने गरी आउने शक्तिलाई स्वागत गर्न नेपाली फुलमाला बोकेर बसेका छन् । सकारात्मक सोच राखौ हाम्रो मातृभुमी अबश्य सफल हुनेछ । कतै रबिन्द्रहरु नै यो सफलताको लागी योग्य छन् कि बिचार गरौ । टेक्सास अमेरिका ।