पोर्चुगल– युरोपको सबैभन्दा पश्चिमी बिन्दु इबेरियन भाग र दक्षिणमा एट्लान्टिक महासागर र उत्तर र पूर्वमा स्पेन सँग जोडिएको सीमा भएको एकमात्र देश पोर्चुगल हो।
हाल करिब अनुमानित लगभग ४० हजार नेपालीहरु रहेको देश पोर्चुगलमा हालै नेपाल सरकारले जारी गरेको ई– पार्सपोर्ट को असर पोर्चुगलमा रहेका नेपालीहरु प्रती देखिन गएको छ्। बैध तथा अबैध तरीकाले प्रायः नेपाली हरु पोर्चुगल छिर्ने गर्दछन्। केहि महिना अगाडी राजदुताबास उपस्थित नभई राहदानी नविकरण हुँदै गरेकोमा हाल फ्रान्स स्थित नेपाली राजदुताबासले अनलाईन फर्मभरी, दिन तोकि तोकिएको दिनमा दुताबास मै उपस्थित हुनुपर्ने सुचना जारी गरेको छ। जसकारण पोर्चुगलमा भएका नेपालीहरुलाई थप सङ्कटमा पारेको छ। भिषा सकिएका , हराएका, म्याद सकिएका राहदानी का निम्ति थप कष्टकर बन्ने देखिएको छ। राजदुताबास सम्म पुग्नको निम्ति पनि म्याद भएको भिषा वा आबास परिचय पत्र सहित म्याद भएको राहदानी सहित उपस्थित हुनुपर्ने हुन्छ। तर दुताबास भन्छ बैधनानिक तरीकाले प्रबेश भएका नेपालीहरुका लागी सहज हुन सक्छ भनै अबैधानिक तरीकाले सेन्जेन बाहेक अन्य तेस्रो मुलुक जस्तै:- साईप्रस, क्रोसिया, रोमानिया, टर्कि बाट सडक मार्ग , पैदल मार्ग हुदैँ आउनेहरुका निम्ती मुख्य समस्याको बनेकोछ।
यस बिषयमा पोर्चुगलमा रहेका एन आर एन ए लगाएत यहाँ रहेका राजनीति ,जातिय,क्षेत्रिय संघ संस्थाहरुले चासो लिनु पर्ने देखिन्छ यहीँ अवस्था रहेमा नेपालीहरु समस्यामा पर्ने देखिन्छ,
यसै बिषयलाई जोडेर राजदुत समक्ष केहि कुरा राख्दा उहाँको
जवाफ मा : यो समस्यालाई हामिले मध्यनजर गरेका छौँ । राहदानी भनेको निकै सम्बेदनशिल बस्तु हो। जो भएन भने कुनै पनि कागजी कार्य गर्न सम्भव हुँदैन्। यदी नबिकरण को सवालमा तत्काल हामी सँग दुताबास आउन सक्नु हुन्छ ।जसको भिषा म्याद बाकिँ छ वावर्क परमिट( रेसिडेन्सी कार्ड) छ।जसको भिषा छैन , कार्ड छैन उहाँ हरुले केहि समय प्रतीक्षा गर्नुपर्ने देखिएको छ। जसको निम्ती घुम्ती टोलि मार्फत पोर्चुगलमा विवरण संकलन गर्न समेत सकिनेछ।
तर जो तेश्रो मुलुक सेन्जेन बाहिर बाट राहदानी च्यातेर आउनु हुन्छ्।उहाँहरुको लागी चाहिँ समस्या हुन सक्छ्। नेपाल सरकारले दिएको पहिचान नै मेटीने गरी युरोप छिर्ने लोभमा यसरी आउनु सरासर गलत हो। केहि दिन अघि मात्रै तेश्रो मुलुक हुदैँ पैदल आउनेँ एक नेपालीको सवारी दुर्घटना मा निधन भएको थियो।
