लिस्वन पोर्चुगल
नेपाली नारिहरुको महान पर्व हरितालिका तिज को अवसर मा नेपाली संस्कृति र चाडपर्वको जगेर्ना गर्न र प्रदेशी भुमिमा व्यस्त महिला दिदिबहिनी हरुलाई एकदिन भएपनी नचाउने र रमाउने बाताबरण सिर्जना गर्न नेपाली महिलाहरुकै आफ्नै सामाजिक संस्था नेपाली नारी समाज पोर्चुगलले बिशेष साँस्कृतिक प्रस्तुति सहितको तीज विशेष कार्यक्रमको आयोजना गर्ने जानकारी दिएको छ।
गत अगष्ट २१ तारिख आईतबार पोर्चुगलको राजधानी लिस्वनको मुटु मानिने मार्तिमुनिज पार्कमा विशिष्ट कलाकारहरुको साथमा तीज बिशेष बृहत कार्यक्रमको आयोजना गरिएको नेपाली नारी समाज कि कार्यबाहक अध्यक्ष गिता रेउले ईरुप्सेलाई जानकारी दिदै पोर्चुगलस्थित सम्पूर्ण संघ -संस्था, संगठनका प्रतिनिधिहरु एवं समस्त नेपाली आमाबुबा दाजुभाई तथा दिदीबहिनीहरुको उपस्थितिको रहेको थियो। कार्यक्रम दिउँसो ३ बजेबाट सुरु भएको थियो।
नेपाली नारी समाज पोर्चुगलले विगत बर्षहरुमा पनि तीजको अवसरमा वृहत साँस्कृतिक र दर खुवाउने कार्यक्रम आयोजना गर्दै आएको थियो। विगतमा झैं यसपटक पनि सबै दिदीबहिनी तथा दाजुभाइहरुको सहयोग र सद्भाव प्राप्त हुने कुरामा रेउले ले विश्वास व्यक्त गरिन् ।