श्री मैनडाँडा उच्च माध्यमिक विद्यालय , छत्रकोट ३ धरमपानीमा विद्यालयका पूर्व विद्यार्थी श्री श्यामलाल नेपालीले आफ्नो जन्मदिनको शुभ अवसरमा यस विद्यालयमा अध्ययनरत बालविकास देखि कक्षा ५ सम्मका गरिब,जेहनदार तथा दलित विद्यार्थीहरुलाई लक्षित गरि स्टेशनरी सामान वितरण गरेका छन्।
नेपाली यता साईप्रसमा विभिन्न संघ संस्थाहरुमा आबध्द रहनु हुन्छ,नेपाली प्रवासी नेपाली मञ्च साईप्रसका सचिव तथा गुल्मी सेवा समाज साईप्रस अध्यक्ष समेत हुन्।
नेपालीले प्रवास भुमि साईप्रसमा रहेर पनि विभिन्न समयमा नेपालीहरुलाई विभिन्न समयमा विभिन्न खालका सहयोग गर्दै आएका छन् नेपाली सहयोगीपन भावना भएको व्यक्तित्व हुन्।
यता विद्यालयका पुर्व प्रधानध्यापक नरपति काफ्ले आफुले अध्ययन गरेको विद्यालयलाई सम्झेर शैक्षिक सामग्री वितरण गरेकोमा धन्यवाद दिनु भएको छ,
साथै विद्यालयका प्रधानध्यापक अमृता थापाले पनि उहाँको यस पवित्र कार्यप्रति हार्दिक आभार प्रकट गर्दै जन्मदिनको अनगिन्ती शुभकामना र उत्तरोत्तर प्रगतिको कामना समेत प्रकट गर्नु भएको छ।
