गैर आवासीय नेपाली संघ, यूरोप उपसंयोजक मुक्त बहादुर गुरुङको पहलमा विभिन्न देशहरुबाट संकलित सहयोग रकम तनहुँको स्कुललाई हस्तान्तरण गरिएको छ । विभिन्न देशका एनआरएनए अभियान्ता, प्रवासी नेपाली मञ्चको प्रतिनिधी तथा समाजसेवीहरुको तर्फबाट प्राप्त भएको ५ लाख २५ हजार रुपैया शुक्रवार आयोजित एक कार्यक्रमका बीच तनहुँको शुक्ला गण्डकी नगरपालिका १२ बराहडाडा स्थित बाराही आधारभुत प्राथमिक विद्यालयलाई हस्तान्तरण गरिएको डिआरसी गुरुङले आफ्नो सामाजिक सञ्जाल मार्फत जानकारी दिनु भएको छ ।
गुरुङले सामाजिक सञ्जालबाट भावुक स्टाछुस लेख्दै भनेका छन
मैले जिन्दगीमा धुलो मैलो टक्टक्याउदै बाल सखाहरूसंग क ख शुरू गरेको स्कुलमा थोरै भए पनि मेरो अनमोल माया सहित योगदान गर्ने अबसर मिल्यो साह्रै गर्ब महसुस गरेको छु।
गुरुङले यस अभियानमा सहयोग गर्नु भएका यस प्राविका भुपु बिधार्थी साथीभाई हरू, प्रबासमा रहेका साथीभाईहरू र गैर आवासीय नेपाली संघका अभियान्ताहरू( गौरी राज जोशी, धर्मराज आधाकारी ,राम शरण सिंखडा , प्रबिन गुरूंग र अजिब गुरूंग “ओम”) सॅपुर्णलाई बिशेष धन्यबाद दिन चहान्छु!
स्कुलको लागी थप रू २५००० आफ्नो ब्याक्तिगत सहयोग प्रदान तथा कार्यक्रम समायोजन गर्नुभएकोमा पोखरा रोयलका प्रमुख प्रिय भाई भिम गुरूङमा पनि हार्दिक धन्यबाद दिन चहान्छु!
यस कार्यक्रममा उपस्थित हुनु भएका शुनपाका उपमेयर ,नेकपा एमालेका केन्द्रिय सदस्य क सबिता रसाईली लगायत शुनपाका नेता कमरेडहरू तथा मेरा अग्रजहरू, प्रिय ईस्टामित्र ,आफन्तजनहरू संपुर्णमा हार्दिक आभर ब्याक्त गर्न चहान्छ।
गुरुङले उक्त रकम शुक्ला गण्डकी नगरपालिका उपप्रमुख तथा नेकपा एमालेकी नवनिर्वाचित केन्द्रीय सदस्य सविता रसाइसीको उपस्थितीमा विद्यालयमा भएको एक कार्यक्रमका बीच बिद्यालयकी प्रधानध्यापक राधा गुरुङलाई उक्त सहयोग रकम प्रदान गरिएको हो
उक्त रकम मध्ये विद्यालयलाई भवन पूर्ननिमार्णको लागि ३ लाख नगद तथा ५० हजार बरावरको विद्यार्थीहरुलाई झोला तथा कापी कलम लगायतका शैक्षिक सामाग्री, विद्यालयको आगामी बार्षिक उत्सवको लागि ५० हजार सहयोग गरिएको गुरुङले जानकारी दिनुभयो । यस्तै उक्त सहयोग रकम मध्ये ५० हजार बराह भोर्ले मोटरबाटो मर्मतका लागि खर्च गर्ने गरी सहयोग गरिएको उहाँले बताउनुभयो ।
गुरुङ एनआरएन युरोप संयोजक, प्रवासी नेपाली मञ्च स्पेनका पुर्व अध्यक्ष हुन भने गुरुङ भखरै चितवनमा सम्पन्न नेकपा एमालेको दशौँ महाधिवेशन प्रवास प्रतिनिधि पनि हुन् , गुरुङ सामाजिक र राजनीतिक कार्यमा सक्रिय व्यक्ति पनि हुनुहुन्छ।
