कोलम्बियामाथि अर्जेन्टिनाको सहज जित

काठमाडौं, १ मंसिर – विश्वकप छनौट फुटबलमा लिओनल मेस्सी प्रेरित अर्जेन्टिनाले कोलम्बियामाथि सहज जित हात पारेको छ । बुधबार विहान भएको खेलमा अर्जेन्टिनाले कोलम्बियालाई ३–० गोल अन्तरले हराएको हो ।
खेलमा अर्जेन्टिनाले १० औं मिनेटमा नै लिओनल मेस्सीको गोलबाट अग्रता लिएको थियो । २३ औं मिनेटमा मेस्सीकै पासमा पार्टोले गोल गर्दै अग्रता दोब्बर पारे । खेलको ८४ औं मिनेटमा एन्जल डि मारियाले गोल गरे । यो गोल पनि मेस्सीकै पासमा सम्भव भएको थियो ।