म्याग्दीमा जिप दुर्घटना हुँदा २ जनाको मृत्यु

म्याग्दी जिल्लाको मङ्गला गाउँपालिका–२ मा बुधबार राति जिप दुर्घटनामा दुई जनाको मृत्यु भएको छ । ६ जना घाइते भएका छन् ।

सिमलचौरदेखि पूर्णगाउँतर्फ जाँदै गरेको ग १ ज ७६५२ नम्बरको जिप दुर्घटना हुँदा मङ्गला–१ पूर्णगाउँकी १९ वर्षीया सबिना भण्डारी र १५ वर्षका विमल विकको मृत्यु भएको प्रहरी नायब उपरीक्षक श्यामकुमार राईले जानकारी दिए। उनीहरुलाई बेनी अस्पताल ल्याइपुर्याउँदा चिकित्सकले मृत घोषणा गरेका थिए ।