गजल
चुल्हो बल्न नसक्दाखेरि, दबाइएको भोक देखें
जीवित शरीर लाश मान्ने, मनभित्रको रोग देखें
मध्यान्हमा फुल्ने आसासँगै, उदाउँछ हर बिहानी
दिनभरको काममा साँझ, खालीहातको शोक देखें
पसिनासँग खेल्दाखेल्दै, सँघर्षको मैदानमा रम्नेहरु
प्राण धान्न गाह्रो हुँदा, लगाउने भाग्यको दोष देखें
मर्न पनि गाह्रो रैछ, गरिबीमा ज्यून झन साह्रो
नचाहेको जीवन जिउँदा, जिन्दगीको रोष देखें ।
-सँगिता आभाष
