बालिका अपहरण गरेर भाग्दा लडेर मृत्यु भएका रुचालको परिचय खुल्यो

पर्वत, १८ चैत– पर्वतको कुस्माबजारमा शनिबार दिउँसो एक अढाई बर्षिया बालिकालाई अपहरण गरेर भाग्दै गर्दा भीरबाट लडेर मृत्यु भएका ‘अपहरणकारी’ को पहिचान खुलेको छ । बालिका अपहरण गरेर भाग्दै गर्दा स्थानियबासीले देखेपछि भाग्ने क्रममा भीरबाट खस्दा मृत्यु हुनेमा बागलुङ्ग नगरपालिका वडा नं १ रामरेखाका ३६ बर्षिय भुपेन्द्र रुचाल रहेको प्रहरीले जनाएको छ ।
कुश्मा नगरपालिका ४ चाक्लेडिल नजिकै बस्दै आएकी निशा परियारकी साढे २ बर्षिय छोरी सुवानी परियारलाई नजिकै खोल्सामा मुख थुनेर राखेको र बच्चा रोइरहेको स्थानिय चिरञ्जीबी केसीले देखेका थिए । केसीले सोधखोज गर्न थालेपछि मृतक रुचालन भाग्न खोज्दा भीरबाट खसेका थिए ।
बालिका छाडेर भाग्ने क्रममा भीरबाट खसेका ती युवा भीरबाट २ सय मिटर तल पुगेका थिए प्रहरीले जनाएको छ । उनको भीरबाट उद्दार गरि पर्वत जिल्ला अस्पतालमा उपचारका क्रममा उनको मृत्यु भएको पर्वतका प्रहरी निरीक्षक दिपक थापाले जानकारी दिए । भीर र वरपर खोजी गर्दा करिव १ घण्टा पछि चाक्लेडिल भीरको करिव २ सय मिटर तल रुचाल फेला परेका थिए । मृतकको सव पोष्टमार्टमका लागि प्रहरीले जिल्ला अस्पताल पर्वतमा राखिएको छ ।