प्रीतिमाथि तेजाव हान्नेलाई मृत्युदण्डको सजाय

मुम्बई, २४ भदौ – भारतको मुम्बईस्थित एक अदालतले युवतीमाथि तेजाब प्रहार गरेको घटनाका दोषीलाई मृत्यृ दण्डको सजाय सुनाएको छ । तीन वर्षअघि व्यस्त रेलवे स्टेसनमा तेजाब प्रहार गरेको घटनामा दोषी ठहर भएका २५ वर्षीय अंकरलाल पवारलाई मृत्युदण्डको सजाय तोकिएको हो । भारतीय नौसेनामा नर्सको रूपमा सेवा प्रवेश गर्न मुम्बई आएकी २३ वर्षीय प्रीति राठीविरुद्ध उनले २ मे, सन् २०१३ मा रेलवे स्टेसनमा तेजाब प्रहार गरेका थिए । राठीको उपचारका क्रममा सन् २०१३ मृत्यु भएको थियो ।