सीता शर्मा
खेतबारी बझायर बिदेशमा नजाउ प्रिय
बाचे घर फर्कर्ने छु भनी कसम नखाउ प्रिय ।
महिनादिन नि भाको छैन डोलिचढि भित्रियको
मायाको यो पालुवालाई चुडायर नजाउ प्रिय ।
पढेकै छौ मास्टर डिग्री उस्तै राम्रो जीउडाल
स्वदेशमै अबसर खोज परदेशमा नधाउ प्रिय ।
भन्दै रुन्छिन बुढीआमा मेरो मर्ने बेला भयो
बुढेसकालमा सहारादेउ धनकोपछि नलाउप्रिय ।
बरु खान्छु आटो ढिडो खन्न सक्छु कोदालो नि
बिन्तिगर्छु पाँउमा पर्छु मलाई छाडी नजाउ प्रिय ।
