म्याग्दी जिल्लामै पहिलो पटक दैनिक पत्रिका सञ्चालन गर्नु पर्छ भन्दै २०६९ बैशाख १ गते देखि दैनिक प्रकाशन आरम्भ भएको रुप्सेले २०७५ असोज १९ गते १५ औं वार्षिकोत्सव मनायो । ०६९ बैशाखबाट प्रकाशन शुरु भएको कसरी १५ वर्ष ? प्रश्न त पक्कै उठ्छ । तर रुप्सेको प्रकाशन भने साप्ताहिक रुपमा २०६१ असोज १९ गते शुरु भएको थियो । यतिका समय सम्म निरन्तर प्रकाशन हुनु मोफसलमा पत्रकारितालाई निकै कठीन पनि छ । झण्डै दुई सय वर्ष पुरानो ईतिहास बोकेको द न्यूज विक बन्द भयो भने हेराल्डको अवस्था पनि त्यस्तै छ । नेपालकै ठूलो निजि क्षेत्रको पत्रिका कान्तिपुर दैनिक नै अहिले पहिला भन्दा झण्डै आधा मात्रै प्रकाशन भै रहेको अवस्था छ ।
अहिले नेपालकै ठूलो मिडिया हाउस कान्तिपुर ग्रुपले पत्रिका प्रकाशनमो निकै फड्को मारेको र नीजि क्षेत्रको ठूलो भए पनि अहिले नेपालमा त्यसका लागि व्यवस्थापक भेटेन । भारतको इन्डिया टुडेमा म्यानेजका काम गरेका व्यक्तीलाई हायर गरेर अहिले नेपाल भित्राएर कान्तिपुरले नयाँ कदम चालेको भएपनि त्यसलाई अर्को तरिकाले पनि बुझ्न जरुरी छ । किन भने नेपालमा कान्तिपुरको व्यवस्थापन हेर्नका लागि योग्य व्यक्ति नरहेकै हो त ? नभएका पनि होइनन् तर प्रसङ्ग के हो भने योग्य भेटिएनन भन्ने हो । किन भने हामीले जति प्रयास गरेका छौं आफ्नो क्षमताले भ्याए सम्म गरेका छौं तर त्यसले नेपाल भित्र ठूलो मिडिया हाउस सञ्चालनका लागि पुग्दैन त्यसैले त अब बाहिरबाटै भए पनि खोज्न पर्ने अवस्था छ ।
राष्ट्रिय स्तरमै मिडिया संकटमा परेको अवस्थामा मोफसलमा पनि चुनौति पक्कै छन् । रुप्सेले पनि यस्ता चुनौति पक्कै पनि थेगेको छ । स्थापना कालमा राजाले शासन सत्ता सम्हालेको अवस्थामा जनताको आवाज बनेर आएको रुप्से राजाकै आदेशमा सबै मिडिया रोकिदा रोकियो भने सुरु हुँदा सुरु भयो । विभिन्न आरोह अवरोहहरु पार गर्दै निरन्तर रुपमा १५ वर्षे इतिहास बनाउनु कुनै चानचुने कुरा पक्कै पनि होइन । त्यसैले इतिहास बनाउनु ठूलो कुरा होइन तर त्यो इतिहासलाई शुनौला अक्षर अनि चम्कीलो अक्षरमा सजाएर दिगो बनाउनु चनौति हो । त्यसैले यही चुनौतिलाई पार गर्नका लागि सबै मिडियालाई हौसला मिलोस् ।
