तामाखानी र फलामखानीबाट युवा रोजगारी सिर्जना गर्ने विष्टको खाका

विमल नेपाली
गुल्मी, १९ कात्तिक – बाम गठबन्धनको तर्फबाट गुल्मी क्षेत्र नम्बर २ का उम्मेदवार गोकर्ण विष्टले मु्सिकोट नगरपालिका– ९ मा रहेको तामाखानी तथा फलामखानीको अध्ययनलाई अगाडी बढाउने बताएका छन । चुनावी अभियानमा निस्केका नेता विष्टले दाँसीकोट, अर्लाङकोट, ददल्का, उर्लेनीमा भएका विभिन्न भेटघाट कार्यक्रमलाई सम्बोधन गर्दै समृद्धिका लागि स्थानीय उत्पादनमा जोड दिने वताए ।
एमाले सचिव विष्टले मुनपा–९ मा रहेको तामाखानी तथा फलामखानीको उत्खननको लागि चुनाव सम्पन्न भएको २ महिनाभित्र भुगर्भ विभागबाट प्राविधिक ल्याई आवश्यक अध्ययन गर्ने र ती खानीहरुको उत्खनन गर्न आफुले पहल गर्ने बताए । अर्लाङकोटमा रहेको खानीको उत्खनन कार्यलाई अगाडी बढाई त्यहाँका युवाहरुका लागि रोजगारीको वातावरण सिर्जना गर्ने र यस क्षेत्रलाई गुल्मी क्षेत्र नं. २ कै पहिचानको रुपमा स्थापित गर्ने बताए ।
अभियानको क्रममा उम्मेदवार विष्टले नेपाली काङग्रेस परित्याग गरी एमालेमा प्रवेश गरेका युवाहरुलाई स्वागत गरे । जनताको घरदैलोमा व्यस्त विष्टलाई त्यहाँका जनताले भव्य स्वागत गरेका थिए ।
यसैविच मुसिकोट नगरपालिकाको वडा नम्बर ७ को जीपपार्कमा भएको सभालाई सम्वोधन गर्दै नेता विष्टले मुनपाको केन्द्र वामीमा सभागृह निमार्ण, वसपार्कलाई व्यवस्थित गर्ने, सुदी वामीटक्सार, स्मालीथान, कोट, सिद्ध हुँदै सालिमे दह पदमार्ग निमार्ण गरी पर्यटक भित्र्याउने बताए । उनले वामी रुद्रावेणी सडकखण्डको कालोपत्रेको कामलाई तिव्रता दिईने, छल्दी इन्द्रेगौडा तथा तम्घास, भाडगाउँ झेदी खर्वाङ सडकको निमार्ण कार्यलाई तिव्रता दिईने र शहरी सडक अन्तरगत मुनपा ७ का सम्पुर्ण भित्री सडकहरुलाई कालोपत्रे गर्ने काम अगाडी बढाउने वताए ।
विष्टले सवै वडाहरुमा “एक घर, एक धारा” अभियान सञ्चालन गरी प्रत्यृक घरधुरीमा स्वच्छ खानेपानीको पहुँच पु¥याउने, परुवाबाट बडागाउ, शेरा फाँट बडागाउ तथा तल्लोबजार क्याम्पस जोडने गरी ३ वडा आकाशेपुल निमार्ण गरिने र पर्यटकलाई लक्षित गरी सुदीफाँटबाट बडिगाड नदीमा ¥याफ्टिङको व्यवस्था मिलाउने बताए । उनले दरमखोला वामी लिफ्टि सिचाई आयोजनाको निमार्ण कार्य चुनाव सम्पन्न भएको २ महिना भित्र नै सम्पन्न गर्ने प्रतिवद्धता समेत व्यक्त गरे ।