नवनियुक्त उर्जा, जलस्रोत तथा सिंचाइ राज्य मन्त्री खमबहादुर गर्बुजाले मुलुकको समग्र विकासका लागि सरकार लाग्ने बताउनु भएको छ । आइतबार मन्त्री भएपछि पहिलो पटक गृह जिल्ला म्याग्दी आउनु भएका गर्बुजाले म्याग्दीको विकासलाई प्राथमिकतामा राख्ने बताउनुभयो ।
नेपाली कांग्रेस म्याग्दीले आयोजना गरेको स्वागत, बधाई तथा सम्मान कार्यक्रम उहाँले बेनी–दरबाङ सडक खण्ड अन्तर्गत फापरखेत पहिरो छल्नका लागि वैकल्पिक सडक र बेलिब्रिज बनाउने प्रक्रिया अगाडी बढेको बताउनुभयो ।
पश्चिम म्याग्दी मात्र नभई बागलुङ, पूर्वी रुकुम, डोल्पा जोड्ने उक्त सडकलाई व्यस्थित गर्नका लागि मंगला गाउँपालिका–३ पखेर र वडा नम्बर २ स्थित सिमलचौर जोड्न म्याग्दी नदिमाथि बेलिब्रिज तथा सडक निर्माणका लागि आफूले प्रयास गरेको उहाँले बताउनुभयो ।
कार्यक्रममा नेपाली कांग्रेसका पूर्व सभापति एवम् संविधान सभा सदस्य रेशमबहादुर बानियाँ, उपसभापति हरिकुमार श्रेष्ठ र केवी भण्डारीलगायतले बधाई तथा शभकामना मन्तव्य राख्नु भएको थियो ।
काठमाडौं हुँदै बेनी आइपुग्नु भएका मन्त्री गर्बुजालाई संगमचोक स्थित पार्टी कार्यालयसम्म नेता तथाकार्यकर्ता, शुभेच्छुक लगायतले बाजागाजा, ¥यालीसहित स्वागत गरेका थिए ।
