नेकपा एमालेका तत्कालीन महासचिव मदनकुमार भण्डारी र जिवराज आश्रितको ३२ औं स्मृति दिवसको अवसरमा बेनी अस्पतालका बिरामीलाई फलफूल वितरण गरिएको छ । नेकपा एमाले म्याग्दीको आयोजनामा भएको फलफूल वितरणमा एमालेकी स्थायी कमिटी सदस्य थममायाँ थापा, केन्द्रीय सदस्य भूपेन्द्र थापा, एमाले गण्डकी प्रदेश कमिटी सचिवालय सदस्य हरिकृष्ण श्रेष्ठ, जिल्ला अध्यक्ष बालकृष्ण सुवेदी लगायतको उपस्थिति रहेको थियो ।
बेनी अस्पतालको इमर्जेन्सि तथा अन्तरंग विभागमा रहेका बिरामीहरुको स्वास्थ्यलाभको कामना गर्दै फलफूल बितरण गरिएको एमाले म्याग्दीकी सचिव थमसरा पुनले जानकारी दिनुभयो ।
उक्त कार्यक्रममा बेनी अस्पताल व्यवस्थापन समितिकी अध्यक्ष एवम् जिल्ला समन्वय समितिकी उपप्रमुख डिलकुमारी खत्री, बेनी अस्पतालकी निमित्त मेडीकल सुपरिटेण्डेन्ट अनुसा मानन्धर, मेडिकल अधिकृत रामु सापकोटा लगायतको समेत सहभागिता रहेको थियो ।
